لي غبت عني دمعتي
تسأل تبيك
وش بس أسوي في الهوى
أنا روحي فيك

والمعذرة إذا اشتكيت
أنا انتهيت لما هويت
حكم الهوى
جايز علي ما هو عليك

ياخذك وقتك يا عنيد
والشوق في قلبي يزيد
معقول يا حبي الوحيد
بقضي حياتي ارتجيك

تبغاني أصبر يا هناي
والصبر ما ينفع معاي
من كثر ما فيني تراي
بسابق أشواقي واجيك

والمعذرة إذا اشتكيت
أنا انتهيت لما هويت
حكم الهوى
جايز علي ما هو عليك

لولاك ما كان الهوى
ويشلون ترضي لي النوي
وإنت الطبيب وإنت الدوي
وقلبي تركته بين إيديك

تركتني لنار الحنين
مقهور من ظلم السنين
خبرني يا محبوبي مين
أشكي له حالي وأشتكيك

والمعذرة إذا اشتكيت
أنا انتهيت لما هويت
حكم الهوى
جايز علي ما هو عليك