الله لا يجيب الزعل بينك وبيني
وإن زعلت أرضيك أنا يا نور عيني

تضحك الدنيا في عيني
لا رضيت
واقبل اعذارك وأسامح
لو خطيت

لو أقول إنك حياتي ما وفيت
كيف أنا أضيع حياتي من يديني
الله لا يجيب الزعل

الله لا يحرمني منك
ومن حلاك ومن دلالك
ما تمنى غير شوفك
تبتسم مرتاح بالك

أنا محتاج لحنانك مهما كان
شوفتك عندي لها قدرٍ وشان
إنت في بالي وأحبك من زمان
إنت مين يقدر يخيب فيك ظني

لو تخيلك غيابي
لا تقول إني نسيتك
صدّق إحساسك وقلبك
أنا من قلبي هويتك

وإنت في بالي الأول والأخير
لو تغيب شوي توحشني كثير
وش ينسيني وأنا عاشق وأغير
وش كثر عانيت حتى إني لقيتك