من يوم شفتك ما هدالي بال
ماني على بعضي وحالي حال
ملكتني بأسلوب
وخليتني مسلوب
ودار النظر حولك وقلبي مال

شفت السعادة ضحكةٍ في شفاك
ما مرت بدربي قبل ما ألقاك
وتبسمة دنياي
من بعد طول بكاي
وإرتاح لك قلبي وهمي زال

نظرات عيني كلها تعنيك
تأمرني أتخيل وأسولف فيك
نظرة تعد خطاك
ونظرة تقول أهواك
مثل النهر شوقي لعينك سال

قلت آه أحبك آهتي لك غير
من قلبي توصلك يا وجه الخير
بنسى عمر وسنين
وأبدأ معاك الحين
فرحة عمر ثاني وطيبة فال