محمد عبده
أحبك وإنت تتجاهل
وكأنك بالهوى جاهل
تبيني صرح بكلمة
وقول إن كنت أستاهل

ذكرى
نعم أعلنها بسكوتي
وأخفي رعشتك صوتي
وأخلّي عينك تفسر
هواي وعشقي وموتي

محمد عبده
غريبة حالتي وياك
قريب وما قدرت ألقاك
نصيبي في هواك أتعب
وربي مقدر فرقاك

ذكرى
أنا والله ما ودي
أضيع حلمنا الوردي
وأعيش بهاجس الفرقة
ليالي تتعبك بعدي

محمد عبده
غريق وحالتي خطرة
وهايم فيك من نظرة
أعيش بحيرة ما تهدى
وقلبي مل من صبره

ذكرى
طلب تفسيرك لشوقي
غرامك منيتي وذوقي
ولكن كيف أعبر لك
وعالم ترفق شروقي

محمد عبده
تعالي وإتركي العالم
وناس بطبعها ظالم
حياتي مؤلمة بدونك
وربي شايف وعالم

ذكرى
أنا أدري فيك تهواني
ولا في دنيتك ثاني
ولكن هذي الدنيا
هواها للأسف ثاني