حيا الله اللي يواعدني ولا جاني
وأنا معك يا حبيبي ما أسويها
أدري بك إنك تبي قربي وتهواني
بس المصيبة وعودك ما توفيها

لا صرت ماني بالأول ما أبي الثاني
هذي طباعي ولا يمكن أخليها
باقي معك وقت يعوض كل حرماني
ما راح شي يا حبيبي تونا فيها

أول يا روحي تقول العمر يفداني
تقول لي كلمةٍ ما كنت تعنيها
مدري بقلبك نساني أو تناساني
بس الأكيد المودة إنت ناسيها

هذي جزاتي ومعروفي وإحساني
وأمد ورده لكفك وإنت ترميها
أخذت مني أحاسيسي وأشجاني
تشرب من البير وتقط الحجر فيها