وصلت لآخر حدودك معي بسك هنا وقف
تحملتك وجاملتك عطيتك فرصه وأكثر

تعب عذري وأنا أبرر تعب جرحي وهو ينزف
خسرت أشياء ما عادت تخليني أخاف أخسر

أنا اللي بس قاهرني مسوي فيها ما تعرف
وأنا اللي من عرفتك وإنت علي تخطي وتتنكر

وأثبت لك خطاك وفوق نكرانك تجي تحلف
ترى اللي ما يخاف الله خوفك منه الأجدر

أطالع في حماقاتك وأنا ساكت ومتكتف
أقول الله علي يرأف وأقول الله عليك أكبر

وربي مالي لك رجعه وبكرة دمعتك تذرف
وإذا شفتك ولا حنيت تراي أسف أنا مضطر