أنا أكثر شخص بالدنيا
يحبك وإنت ما تدرين
وفيك أموت أنا وأحيا
من أول يوم لين الحين
يا أجمل أجمل الأشياء
ويا أغلى من نظير العين

متى قلبك متى ممكن
يصافح بالوله قلبي
متى هالبال يتطمن
على إحساسي وعلى حبي
أبي هذا الغلا معلن
تعبت أحب وأخبي

تعالي بس يا أخت الغيم
على جدار السماء نكتب
حبايب في الغرام نهيم
نحب نحب ما نتعب
يغازلنا المطر والديم
ولين آخر سماء نهرب

كذا حنا كذا اثنين
تحت صمت الحكي عشاق
من اللي يحب فينا مين
ومن اللي دايم يشتاق
أنا أحبك أحبك لين
تضيق بحبي الآفاق