يا ويل عيني منهم راحوا وقلبي عندهم
مدري نسوا وإلا قسوا وإلا لقوا حبٍ جديد

يا قلبي أبعد عنهم ذولا يخوف حبهم
قاسيين ما حنوا علي وقلوبهم مثل الحديد

ياما أشوف من البشر ما شفت ناسٍ مثلهم
مرات القاهم قريب مرات القاهم بعيد

أنا أشيل أهمومهم والمشكلة ما همهم
الله ما أكبر ذنبهم راحوا وخلوني وحيد

حاولت أقرب منهم حاولت أكسب ودهم
قصه بدايتها جفا والخاتمة ما من جديد

الله يشافي علتي والله يسهل دربهم
اللي تسلى بالهوى ترى فراقه يوم عيد