جيت وأدري هذا هو آخر لقا
جيت أبدأ من نهايتنا الشقا
جيت أحفظ كل ملمح فاتني
فيك لجل أقوى أعيش اللي بقا

جيت مخفي دمع سأل بداخلي
قد سمعت بعاشقٍ دمعه رقى
لا تبرر لا توضح ما خفا
ما خفا باين على وضح النقا

كنت تعشق صفو وقتي وقوتي
وجار وقتي وصار عشقك ينتقى
ما ألومك هكذا طبع البشر يرتوي
الظامي وينسى اللي سقى

رحلة العشاق ما فيها رجوع
وفي المفارق ما يصيرون أصدقا
جيتك وقلبي يبي يلقى حبيب
ويا عذاب القلب مما بك لقى