كان هالليلة بهاكي ماهو عادي
كنتي إنتي وإنتي لما تكوني إنتي ماهو عادي

كنتي إعجاز وسحر
كنتي دنيا من طهر

كان نورك في جبين الكون بادي
كان في صمتك طرب
وكان في عيونك شغب

كان حسنك للحسن يرسي مبادي
كنتي في أجمل حضورك
كني في أعدل غرورك

لما طافت بي عيونك
واستقرت في فؤادي

كنت أنا أتاملك وكنت أنا أتخيلك
وإنتي معي والكون هادي

كان إحساسي مهيب
كنت أحس إني مهاجر أو غريب
وإنتي يا عمري بلادي

آه لو باكر لامسي يلتجي
يترك الليلة ليالي وما يجي

آه أنا من غدر باكر كم أخاف
ياخذك مني وأنا لقلبي شغاف

حزنها في غيبتك مر وشجي
آه أنا من غيرك إنتي وش وجودي
آه أنا كم أبغى باكر لو تعودي

آه من ذكرى بتشعل بي سهادي
لما كنت أتاملك
ولما كنت أتخيلك

وإنتي معي والكون هادي
كان إحساسي مهيب
كنت أحس إني مهاجر أو غريب
وإنتي يا عمري بلادي

يا ملاذي ومنتهاي وأولي
إيه أحبك فوق ما تتخيلي

ليت أنا يا بعد قلبي لي قلوب
لاجل ما في كل لحظة بك أذوب

كل إجاباتك أنا لا تسالي
ما أبي شمسك يواريها مغيب

لو جروحي منك ما ودي تطيب
ياللي سعدك منتهى غاية مرادي

آه كم أشتاق لك آه كم أحتاج لك
آه كم أشتاق لك وأحتاج لك

في القرب وأكثر في بعادي
إنتي إحساسي الأكيد
وإنتي دمي اللي بيجري في الوريد
إنتي يا عمري بلادي