هتقول لربنا إيه
لما تقف يوم بين إيديه
فكر شوية في السؤال
ده قبل ما تجاوب عليه

هتقول خنتها علشان كانت على نياتها
هتقول مفيهاش حاجة إن أنا دمرت حياتها
هتقوله يا رب أصلها تستاهل نهايتها
علشان حبيتني وثقت فيا وهعمل إيه
هتقول من كتر ماضحيتلي مليت منها
وعملت أنا كده علشان ما أبعدش في يوم عنها
هتقوله بسيطة ومحسيتش إني بخونها
موضوع مش مستاهل أصلا أتكلم فيه

هتقول لربنا إيه
لما تقف يوم بين إيديه
فكر شوية في السؤال
ده قبل ما تجاوب عليه

هتقول كانت بتغير وبحبها خنقاني
وبغير جو عشان لما أرجعلها تاني
يتجدد شوقي وأحس إنها كده وحشاني
كل اللي عملته عملته عشانا إحنا اللي الإتنين
هتقول إنك ما إنتاش ندمان ومعاك عذرك
وهتقدر يومها تدافع عن وجهة نظرك
صدقني يوميها مفيش غيرك هيشيل وزرك
وريني ساعتها إنت هتعرف تكدب على مين