لبيه يا حبٍ ملا دنيتي ضي
لقيت به حلمي وختمت الأماني
حبٍ كثر ما أشعر إني معه حي
يضفي على باقي العمر عمر ثاني

إنتي الحيا بعيوني إن قالوا من هي
إنتي نفس هالروح ونبض المحاني
مو بس لنفسك إنتي يا ريمتي لي
وأنا فهدك إللي خلقتي عشاني

يا حظ قلبي فيك و يا حيني حي
وأنا القمر و الغيم ذوقي ومكاني
بنت أجمل من الشمس وأحلا من الفي
في الزين زين وفي المعاني معاني

عظيم حبي لك ولا يوصفه شي
فوق الخيال اللي بقصيد وأغاني
حتى الخيال أشوفه بحقك شوي
ريما ومن مثلك في قلبي وكياني

من يشبهك وإنتي اللي يشبهلك الضي
ضحكتك عمري و في عيونك أماني
وأنا في سحر عيونك وضحكتك ذي
معذور قلبي لا غدى بك أناني

معاك أحس الدنيا في راحة إيدي
إي والذي أوحى بسبع المثاني
حباني في مثلك وسبحانه الحي
كني ملكت الكون لما حباني