عودت قلبي على صوتك وضحكاتك
أسهر عليها إلين النوم يدركني
ما فيه أحد في البشر سوا بي سواتك
أسمك إذا مر بين الناس يربكني

أوله على نظرة عيونك ولفتاتك
واغار من ناس في صوتك تشاركني
ويذبحني الخوف لامن طول اسكاتك
اخاف ناوي يجي لك يوم تتركني

محتاج أحبك واعوض كل مافاتك
وجروحك ألحق عليها قبل تنهكني
درب الليالي تعب من دون خطواتك
والنسمة اللي بدونك ما تحركني

مدري متى يهتدي ليلي لنجماتك
وأسري وكنّ الهوى بيديه ماسكني
خذني على وين ماتلقى بنظراتك
الله ياذا الشعور اللي يتملكني