وش عاد تبغى من كذا أكثر وضوح
جيتك أسف أوضح من الشمس عذري
جيتك ألم جيتك ندم جيتك جروح
جيتك وقلبي ما لقيته بصدري

تدري أحبك يا صدى صمتي والبوح
وش فيك ما كنك عن الحال تدري
صعبت عليك ترد وتقول مسموح
هانت عليك تبعثر أوراق عمري

يا رجعة أنفاسي ويا طلعة الروح
عمري سرى والوقت ما هو ببدري
حتى لو إني منك ضايق ومجروح
عليك يا خوفي ويا طول صبري

بمشي وراك أتبعك من وين ما تروح
أرجوك قلي وش مكاني وقدري
إسمعني صوتي بالأسف صار مبحوح
لا تعاكس التيار ما دام يجري