يا بعد هالدنيا ليه
صاحبك تقسى عليه
اللي أهدالك حياته
وإنته مستكثر تجيه

أرخص الدنيا لغلاتك
وأشترى فرحة حياتك
لو طلبته عيونه جاتك
وإنت تتغلى عليه

لك حبيب يموت فيك
حسبه الله يهديك
ومنشغل باله عليك
وإنته ما فكرت فيه

كنك الماي لظماه
وفرحته ولمسة شفاه
وإنته حلمه في الحياه
وإنته كل اللي يبيه

الحبيب اللي هواك
وإنقضى عمره معاك
منتظر لحظة لقاك
إشرق بشمسك عليه

يا هواي الأولاني
إنت عنواني ومكاني
ساكن بروحي وكياني
وعرش قلبي معتليه