الليل روح والدموع أربع أربع
يا للعجب منك وعليك أرجع أشكيك
ياما عليك العين بالدمع تدمع
وياما تصنعت الرضا لأجل أراضيك

ياما ترجيت الوصل وإنت تقطع
خانتني عيوني لي حل طاريك
قلها يكون اليأس لي منك مقنع
تعبت عيوني من رجاك وترجيك

باكر يقولون العرب الشمس تطلع
لك يتضح مخفي وناس حواليك
الشاهد الله فيك ما أوحي ولا أسمع
وما أطيع ناس يا حبيبي حكوا فيك

غلاك عندي من غلا غيرك أرفع
وأبعد من نجوم السما كيف مغليك
لاني بغيرك من هوى الغيد مطمع
ما شفت بالدنيا جميل يحاليك