شيلي الطرحه عن الوجه السموح
نوري كل الوجود بطلتك
املكيني بالغلا عمرٍ وروح
زلزليني لا رميتي طرحتك

خلي عيونك عن إحساسك تبوح
وأضحكي مشتاق أسمع ضحكتك
يكفي اللي راح من همٍ ونوح
صارت الدنيا عذاب بغيبتك

في غيابك ليلي القاسي شحوح
وفي غيابك بس أناجي صورتك
آه يا بلسم حياتي والجروح
الجروح تطيب ساعة شوفتك

جيت لك وفي قلبي الشوق الجموح
تايهٍ النظرات أدور نظرتك
جيت لك عاني يسابقني طموح
فز لك قلبي وعيني ضمتك

جيت لك مشتاق وإحساسي يفوح
لك عبير الشوق عانق وجنتك
طاحت أشواقي على كفك تنوح
ولهفة الأشواق ضمت لهفتك