حبيت أسلم عليك وأخذ أخبارك
وأذكرك بالغرام اللي تناسيته
واعلمك إني باقي حافظ أسرارك
حفرت له داخل عيوني وخبيته

لا قلت بكره بتمطر شحت أمطارك
ذاب غصن المحبة وإنت ما أرويته
غيري سكن جنتك وأسكنتني نارك
حتى اللي ما يستوي وياك سويته

خطاك يا صاحبي أكبر من أعذارك
يوم إني أمدح هوانا وإنت ذميته
هذا وأنا صاحبك محبوبك وجارك
ضيعت عمره وبكيته وخليته

ويش أسوي بقلب ساكن دارك
جاك بيتك وعاف قلوب في بيته
خيّرت نفسي ما بين الناس واختارك
لا قلت يا قلب أبعد قال حبيته