منور يا حلاتك يا جمالك
خفيف الظل والأحلى دلالك
أنا ما شفت في حسنك وزينك
سعيد الحظ من يخطر في بالك

تقول شلون قلبك قلت حبك
تقول ابغى وصالك قلت جالك
وأنا يكفني إنك في عيوني
كفايه منك كلمة كيف حالك

أبي ليلك وخذ مني نهاري
أنا لك كلي دمعه والهناء لك
خذ أيامي وخذ مني سنيني
حبيبي ما أخذت إلا حلالك

وجفن العين تحت أمرك حبيبي
إذا ما شالتك هالأرض شالك
أبي تآمر أنا ما أبيك تطلب
أنا لك يا بعد عمري أنا لك