الأمان اللي من أول كنت احسه
فاقده من كل قلبي كان تدري
وكان تدري بس ودي فيه نفسه
وإنت خابر وش مخبي لك بصدري

لك غلا يومي ولك نبضات امسه
وقلت لك يفداك وسكت لين صبري
يرضي إحساسك ولا يشكيك همسه
والأمل باكر مدام الحب عذري

راضي بحالي ولك الخافق تمسه
كل هذا صمتي وجيتك بعذري
الغلا في كل عين تبان شمسه
يمتلك كله وصدقي زاد قدري

مايموت الحب لامن زاد غرسه
وليل العتب يجرح وهالجرح يبري
مامضى وإن طال كل اللي احسه
أول احساسك عظيم ان كان تدري