أنا اللي دايم أدعي لك عسى الله يسمح دروبك
لأن قلبي يعيش بخير الى من زانت احوالك
تمنيتك الى يومك تصدق ابقى محبوبك
واعيشك صدق ما أحلم ويبقى دايم وصالك

إذا وجهت لك عيني يفزّ القلب من صوبك
على بالي وأنا داري بطيفي دايم فبالك
سهرت الليل اهوجس بك وإنت الليل يا دوبك
تعدي نصفه الأول وكل الليل يغفالك

ما صدق فيك من يحكي ولو هو بان عذروبك
معك وقتك وخذ وقتك بتعرف مين يبقالك
أحبك في متاهاتك و بغموضك وبسلوبك
تبي تبعد أنا بقرب وفال الله ولا فالك

كثر ما العقل والتفكير في هالعمر هاموا بك
بعيشك عمر أمضيته لجل حبّك ومدها لك
دخيلك لا يجي طاري غياب بيوم من صوبك
لأني ماهقيت أقدر اعيش وفاقد ظلالك