قل للمسافة

قل للمسافة لو تطول المسافة
نطوّي لياليها ونطوّي ظهرها

من حيننا ما فيه دربٍ نخافه
انشد مطايانا وقصّاص أثرها

درهامها للوقت والبيد آفة
ما كنّها إلّا الريح والله ومرّها

حنّا هل الطولات واهل الكلافة
واهل السياسة لو تلاطم بحرها

في دمّنا من وقت عهد الخلافة
متوارثين فنونها ونخبرها

صمّ الجبال وعلّمتنا الصلافة
من روسنا كنّك تلقّط حجرها

ومن جا مطامن أرضنا باللطافة
نفرش له يدينا جسر عن وعرها

ما دام فينا من يعاف الوصافة
كل ما يطول الدرب خطواته أرها

يركض ونركض كل أبونا خلافه
سورٍ يهدّه والف سورٍ طمرها

له طينةٍ تفرق سلوك وحصافة
مثل الحقيقة والبقيّة صورها

من غيره محمّد عدوّ الخرافة
دينه ودين العايشين بحفرها

ما همّه إلّا كيف يخلق مسافة
ثم كيف يقطعها وكيف يعمّرها