قدمت لي شي منك كنت أنتظره
أهديتني الحب وعيونك وشوفاتك
ياللي إنت حبك كذا مخلوق بالفطرة
يا علني ما نحرم شوفك وضحكاتك

سلمت لك يوم قابلتك على فكره
ومشيت كلي تحت أمرك ورغباتك
سحر المحبة تعدا الساحر وسحره
شفني من الحب ودي أسكن بذاتك

القلب لو غبت الله يجبر بصبره
يضيق لا طولت بالبعد خطواتك
ومن كثر ما هو يحبك والله بعذره
يحب قربك ويكره فيك غيباتك

لا نضيع الوقت في بعدين أو بكره
أبسرق العمر إلين أصير لحظاتك
العمر فرصه ومن غيرك فلا أعتبره
وأنا ترى وبس فرصه عمرك وجاتك