غلطه
يالله يارب يا خلاق
يا جاعل الأرض منبسطة
سهل لنا الخير يا رزاق
والسر لا ينكشف غطه
عاشق مثل باقي العشاق
يشله الشوق ويحطه
والشوق ينبع من الأعماق
لاشك والعز في القلطه
خابت حظوظي مع الأشواق
يالنادر الطيب اللقطة
قد صار بين الحظوظ سباق
ولا كسبنا ولا نقطه
كنا نحسب البلا في الساق
مير البلا صار في الخطة
يا لبتن كنها البراق
ما شفت فيها ولا غلطه
يا ليت صدري متى ما ضاق
يأخذ على صدرها غطه
الخد رغوه حليب نياق
ترعى من أعشاب مختلطه
يا ريقها البارد الحراق
يا نكهه التوت بالشطة
يا ليت ما في الحياة فراق
والناس بالناس مرتبطة
لكنها حكمه الخلاق
هذا كلامه وذا خطه
لو هي الليالي وصل وعناق
والناس سمنه على قشطه
الست بإحساسه الذواق
ما كان غنت إهي غلطه