وش أكثر من غلا روحي
ولا تغلى عليك إنت
لوحدك بس يا روحي
ولا عندي سواك إنت

يا مالي الدنيا بإحساسك
أنا محتاج لأنفاسك
وبنسى كل هالعالم
وأقول إنت وبعد إنت

على نفسك تبديني
وبهمومي تواسيني
وأحس الآه في قلبك
مثل ما تحسها فيني

ولا تتهنى ببعادي
ولو إنه جفا عادي
تغيب وتبتعد عني
وترجع لي مثل ما إنت

حبيبي لمّا تلقاني
وهموم الدنيا تنساني
أشوف الوقت يضحك لي
وأحس إنه عمر ثاني

تصور كيف أنا جنبك
وأفكر فيك وأحلم بك
وحتى الحلم يا عمري
لقيته في هواك إنت