دقوا على باب قلبي لا بغيتوني
ما عاد بي شف أتعدى طرف بابه

تعبت أسافر وأخلي قلبي بدوني
إلين حار الحكي في حاجر عتابه

ولديت له بعد ويش وعضة سنوني
على إبهام الندم من سبة غيابه

يا زايري وإن بقالك شي فعيوني
أخفيه دايم عليك وكنك أدرابه

قل ما تبي ما بقى غير إنت مظنوني
يا اللي نسيت الجميع بسبة أهدابه

ارفق على قلبي اللي فيك مفتوني
وارفق على صاحب يهواك بأسبابه

وإن قلت لي وينهم بقول جافوني
هذي الحقيقة وكل الناس كذابه

يا زايري وإن بقالك شي فعيوني
أخفيه دايم عليك وكنك أدرابه