بين ليلة وضحاها إنتهينا
وللحكايا عبرة في منتهاها
جفّت الأوراق وبين ما خفينا
وإفترقنا بين ليلة وضحاها

إن عطينا ما سألنا وش عطينا
والجمايل من حكى عنها رداها
نبدي المعروف ولا تدري يدينا
والقلوب المؤمنة ترضى ابتلاها

كل ما ترسى سعادتنا في مينا
ترجع الأحوال لأول مبتداها
لا هوينا بكل جوارحنا هوينا
ما نزيف هالمحبة ومبتغاها

ما علمنا الغيب ولو كنا درينا
ما نرد أقدار بيد اللي قضاها
لا نوينا الخير قدمنا ونوينا
ما انتظرنا هالمشاعر وش جزاها

هي كذا أحوال بعض العاشقينا
أترف من القمرة في ليلة دجاها
نرسم الأحلام في مزنه ونسينا
ما تطول مزنة لو زاد ماها