هذاك أول يحن قلبي وأشوف الموت بغيابك
قساوه هالجفا تجرح شعور داخل أعماقي

أنا يا ما تمنيتك وأجي لك ناصي بابك
وأحس بكثر شوقي لك بأنك تطلب فراقي

علامك كل ما جيتك تقول الحين وش جابك
تشقلب نظرة الدنيا وتلخبط كل أوراقي

إذا ما تهتني بقربي يا كيف بقربك أهنى بك
أنا المشتاق أنا المجروح أنا التعبان أنا الشاقي

يا من ضيع معاني الحب ترى بتضيع أحبابك
تعبت أرسل مراسيلي ولا اهتميت بأشواقي

إذا وردك يموت بيوم أكيد إنه من أسبابك
أنا بستانك اللي يموت من فرقاك يا الساقي