عسى الله يرحمه حبٍ حيا فيني بدون شعور
عماني عن خطا رأي تساوى خيره وشره
عجزت أشوفك بعيني وقلبي ما يطيع الشور
لأول مره في دنياي تخون عيوني النظرة

رفيق العمر وجروحي زرعتك في طريقي زهور
حسبتك مني وفيني زرعت بقلبي الحسرة
أجيك أسابق ظلالي بصدقي ما عرفت الزور
أجي واشكي لك الدنيا وأنا قلبي على الفطرة

خدعت الهقوة وظنوني ضبطته بصراحه الدور
أنا وشلون ما شفتك عمتني ضحكةٍ صفره
ألومك ليه وإنت إنسان تراك بذمتي معذور
تفضل روح يا غالي ولا نشره ولا نكره

عطيتك من فضا عمري وغرقت من الغلا ف بحور
هديتك موقف وموقف قسمنا بيننا التمرة
خسرت اللي وهبك العفو وأنا عنك طهور ونور
تشوم النفس وتتغير خلاص إنقطعت الشعرة