مشتاق لك شوقي بحر رحمتك عود لي
حن وتعطف واستقر بين الكبر والتيه
خذ ما تبي يا معذبي بس لا أتصدد لي
أرضيك تزعل أزعلك ترضى علي وليه

بين الحنايا موقعك وأشواقي تشهد لي
أجيك والمنه علي وأقول لك لبيه
يا سيدي عفوك وأنا مافيني يشفع لي
تصيب تخطي عاذرك ما اسألك كيف وليه

لمي توجه يا بعد كل من توجه لي
عاتب عتاب أحباب سو اللي تبي سويه
شرهتك ع اللي في طواري الليل متسلي
لا هو بقادر يملكك لا إنت الذي مخليه

مير الشره منك تراه إنجاز يحسب لي
كود إني متصدر على خافقك ومن يغليه
لو التمني فادني لو كان يحصل لي
إمتيمك ما تركك والبعد ما ينويه