حبني أو حب غيري
صرت في عمري خيال
قانعة وأعرف مصيري
ما لي بقلبك مجال

كاذب إنته أو صريح
ما يصح إلا الصحيح

لا تغش روحك وروحي
لا تخون الصدق لا
أنا بتحمل جروحي
وهاذي ماهي مشكله

القوي ما تهزه ريح
وما يصح إلا الصحيح

أدري حبيتك وحبي
من طرف واحد فقط
كنت أعاند فيك قلبي
وأجبره وهذا غلط

يوم أنا شفته جريح
ما يصح إلا الصحيح

أنا ما أعلن عنادي
لا ولا أبدي غرور
بس صار الأمر عادي
غيبتك مثل الحضور

قلت أبعد وأستريح
ما يصح إلا الصحيح