لقيتك لنفسي وفيك الحشا ذاب
واسأل عيونك من زمان إنت وينك
أغراب كنا و لا شعرت إننا أغراب
شفت الأمل واضح سناه بجبينك

صدفة وكن الحظ فاتح لنا الباب
وكن اللقى مقصود بيني وبينك
نهبتني والحب ماله بالأسباب
اللي أعرفه خذت الخفوق بيدينك

مالي سواك أحباب يا كل الأحباب
وكل عمري راهنه لجل عينك
زولك على بالي ما فارق ولا غاب
أسعدتني وشلون بارد دينك

طمنتي من بعد ما كنت مرتاب
وعشت الأمان اللي سكن راحتينك
أحبك وعمري تهنى بك وطاب
ما عاد تفرق لو بعيشه سجينك