وتحلف لي معي تبقى نسيت آخر كلامك لي
ومع حلفك مشيت ورحت وأنا مقفي على النيه
وهذا اللي خذيته منك تعال ومر واسمع لي
حزين ونازف صبري عقب ماكنت بس ليه

ومتعايش مع الواقع مدام الله كاتب لي
أحبك موت لكنه تأصل هالوجع فيه
ولا عمري سهيت اصلا ولو شوقك نسى وصلي
عيونك بيني وبيني على هالبال مطريه

أبيك تشوفني بقلبك وأنا كلك غدا كلي
وكل دمعه علي مرت تأكد ماهي شويه
وابيك تعد أيامك يا أقرب روح من ظلي
وابيك تناظر عيوني ترا بالوجد مبليه

معي صمتك معي صوتك على ترحالي وحلي
أكابر حيل لكنه تمكن هالوله بيه
مدامك ناوي أبعادك أمانه ليه تحلف لي
تصدق عاد صدقتك ورحت امشي على النيه