أترك عيوني تسولف آه بعيوني كلام
لو حكيته ما أظنه وقتنا يستوعبه
إيه أحبك وإنت أدرى بالشعور وبالهيام
ولو تبي هالقلب أشر لا تعنى وتطلبه

ما بعد قربك شعور ولا بعد وجهك ظلام
وكل عمر مر قبلك لا تظن أبحسبه
فيك كلي ذاب كله من هيام إلا غرام
وكل لحظة ما تجيبك مستفزه متعبه

صوتك اللي لا سمعته عانق إحساسي سلام
يسرق إحساسي وفكري من شعوره يسلبه
إنت يا نبض المشاعر بالصدر عالي مقام
وإنت صدق أجمل شعوري وإنت اعذب اعذبه

والحكي وليل السوالف في لقانا مستهام
يزعل اللي عاد يزعل يعجب اللي يعجبه
أترك عيوني تسولف لان بعيوني كلام
لو حكيته ما اظنه وقتنا يستوعبه