أنا ما قلتها إلا من الخاطر
ولا أقدر بعد أكثر أخرها
من الآخر أنا أحبك من الآخر
ترى بيني وبيني دوم أكررها

أنا كل يوم أداعب طيفك العابر
وأسراب المحبّة لك أطيرها
نسيت الأمس دامك ذاكرة باكر
حياتي قبل اعرفك ليش أذكرها

أحاول ما أبين بس مو قادر
عيوني تفضح أسراري وتبخرها
ومادام إني طلبت وقلت لي آمر
بعد هاليوم عيني لا تسهرها

بقلبي لك حكي ما مر على شاعر
ومدينة من مشاعر لا تدمرها
ولأنه الحب في هذا الزمن نادر
أحبك كثر ما أحبك وأكررها