ما فقدتك وحدي فاقدك المكان
اللي دايم تعشق تجي له معاي
كل ما جيته وأنا مشتاق لك كان
دوم يسألني عليك وقلت جاي

وين جاي وإنت غايب من زمان
جارح إحساسي وخاين في وفاي
غارق بخوفي وبك بر الأمان
كيف تجرح وأنا سميتك دواي

قاسي قلبك علي ما يوم لان
وإنت غيم وهان بعيونك ضماي
ما هقيت تبيع من حبّك وصان
ما حسبتك يوم تتركني بعناي

وش بدر مني وأنا جيتك حنان
هو صحيح إن العمر أحلى بلاي
قول صارحني ولو مرة عشان
أقدر أنسى ما مضى وأعرف خطاي