بجانب كحلك ومشطك وبعض أشياء منثورة
وعطرٍ غامض مثلك يخبي في الزجاج أسرار
أنا عشت الهوى قربك مجرد صوره مكسورة
على تسريحتك عاشت حبيسة كذبةً وغبار

أشوفك تنظرين لها بضحكة عين مسرورة
وأفكر نظرتك شوق معاها جملتين أعذار
وأثاري نظرتك مرت عليها بس مجبوره
قصدتي خلفها وجه تشتت في مرايا الدار

نسيتي وأصبحت صورة مع الأيام مهجورة
نسيتي وأبتدت ترحل من البرواز والأسوار
نسيتي بس خليها يا بنت الناس مستوره
نسيتيني وأنا مثلك نسيتك والزمن دوار

أنا نفسي بديت أنسى ملامح هذي الصورة
دخيلك لا تخليها بألبوم الصور تذكار
بديت أنسى شقى نفسي ووجه الحزن وشعوره
وقولي لمن سأل عنها تشابه صورة الخوار

بجانب كحلك ومشطك وبعض أشياء منثورة
وعطرٍ غامض مثلك يخبي في الزجاج أسرار
أنا عشت الهوى قربك مجرد صوره مكسورة
على تسريحتك عاشت حبيسة كذبةً وغبار