أمي يا أول حب عشته بدنياي
يا أول إسمٍ تنطق شفاي طاريه

إنتي هوى روحي وبعروقي الماي
عمري بدونك عمري ما عشت أنا فيه

ياما لقيتك في شتا وقتي دفاي
حضنك يدفيني بحنانه وأدفيه

وياما مسكتي في عنا الوقت يمناي
خوفاً علي من الزمان و بلاويه

إنتي نظر عيني وبسمة شفاياي
وإنتي هوى قلبي وحبه وغاليه

وإنتي الجميل اللي تعدى عطاياي
لو عشت كل العمر ما أقدر أوفيه

تدعين ربك لي يسدد لي خطاي
وأرفع أنا كفي لـ الله وأدعيه

يارب تمنحني رضاها بدنياي
وأن ما رضت عني ترى العمر ما أبيه