والله وطلع لك ريش
يالزين وصرت تطير
الملح ويا العيش
ماله معك تأثير

ربينا دلعنا وقلنا
النهاية خير
وأخرها بايعنا
ورايح لحضن الغير

مقيوله وإنت أدرى
وتعرفها يالمزيون
أحذر عدوك مرة
وحبيّبك مليون

ما جات في بالي
ألعب على المضمون
سلمت لك حالي
ما أحسب يوم تخون

الحظ لا من طاح
يتعب معه راعيه
أزرع أنا التفاح
وغيري يتهنا فيه

شكواي أنا لله
ما خاب من يرجيه
ومعروفنا يا الله
وسط البحر نرميه