الله يلوم اللي يلوموني فيك
قلبي مثل طيبك ما شاف طيبه
عسى عيوني يا حبيبي ما تبكيك
العمر من غيرك أنا وش أبي به

أسعدتني بالحب مدرى شجازيك
لو أحلم بنجم الثريا تجيبه
العمر لو أهدي لك ما يكفيك
يا الوافي اللي ما يخلي حبيبه
أفز من طولي إذا مر طاريك
حتى حروف اسمك لها صار هيبه

أنا تحت أمرك وما بين أياديك
ولخاطر عيونك تهون الصعيبة
كل شي يقوله بس واللي يخليك
طاري الزعل طالبك أنا لا تجيبه
الله يجازي من يفكر يخليك
غيبتك ظلمة وابتعادك مصيبة