يدوم عزك يا أجمل بلاد بالكون
ياللي بظل أسوار عطفك ربينا

كل الأوادم في بلدهم يعيشون
إلا إحنا بس كويتنا تعيش فينا

عمر الكويتي ما رقد يوم مغبون
على الكرامة والمعزة خذينا

مدفون حبّك داخل الروح مدفون
عطفك بحر وإحساسك العذب مينا

يا قبلة الفزعات للي يضيقون
يا نور كل دروبنا لا مشينا

ما ألوم شعبك فيك يوم يتباهون
من كثر ما شفنا ورحنا وجينا

العمر لأجل ترابك الطاهر يهون
أرواحنا أبسط حقوقك علينا