شبكني عين مجلود الخصر نجدي
وروحي منه كن الموت يغزيها

وبحر الشوق فيه الجزر والمدي
وتيار الهوى والموج يطويها

وجودي في المحبة كل ما عندي
ترى الأيام تفعل ما تشا فيها

غصون الورد تتعانق من الوجد
وتتفارق إذا جفت سواقيها

أنا لي حد متعدي على حدي
حدود الغير ما نطمع بأراضيها

ولو شفت الورود الحمر بالخدي
حنين الشوق من لمسي يغذيها

ألا يا مفرد بالزين هل يجدي
إذا غذيت روح أنت واليها

كلام العذل لا ياخذ ولا يودي
ولا يخلف المودة عن مباديها

إذا داريت روح الحب يا مودي
ملازيم الوعود الصادقة فيها

تحول أحوال في الترحال والشدي
ودنيا الناس ترسى في مراسيها

ضجيج الشوق خلى البلبلي يشدي
يجر الصوت بألحان يغنيها