مانيب ند لك ولا إنتا بندي
أنا حبيبك يا حبيبي بلا شك
هذا الزعل طول ولا عاد يمدي
تعبت أنا من كثر ألمح وأحتك

ودي إنتصافى الود ودك وودي
ما ودي أزعج لا ولا الباب ينصك
المشكلة لا شي ولا هيب تجدي
كبرت وفاقت بيننا بخانه الّك

يكفي جرحنا بعض والهم يردي
يكفي العمر ضايع وهالهم مصطك
كلٍ قسى وأغتر وكله يعدي
كله يعدي إيه يبغى لها تك

عيب علينا اليوم نقسى ونبدي
حق علينا نكسر القفل ينفك
حقك أطيب خاطرك دون رشدي
ومن عقبها أمرٍ على الرب ينرك

اللي جرى مكتوب وربك يقدي
هقواتي بعطفك وطيبك هقى بك
مانيب ند لك ولا إنتا بندي
أنا حبيبك يا حبيبي بلا شك