ودام ما همك لحظة غيابي
ليه أنا بهتم وأرجي وجودك
أو أنا ما أقدر أرضى بعذابي
وليه أنا أتعذب وإنت بجمودك

فمان الله
دربك تدله
وخذ معك طيفك وباقي وعودك

عطيتك القلب والشوق شوقين
واليوم أنا بنزعك من أقصى ضلوعي
يعني وإن صار بشتاق يومين
وإن بكت عيني بتنشف دموعي

وإنت ياللي
كنت خلي
أبسألك بالله تنسى رجوعي

كنت خايف لا أضيع عقبك
وأثر أنا اللي كنت ضايع في قربك
وأنا أحمد الله شرك كفاني
وأحلوت الدنيا بعيني في بعدك

أبيك تذكر
كم كنت أصبر
والله ما تلقى من مثلي يحبك