لو جرحي وصل منك لا تداويه مو شغلك
شفني صابر وساكت ولاني جيتك أشكي لك

أنا أحبك يا جارحني ولو أخطيت سامحني
وأبيك البسمة فعيني وأبي هالبسمة تشبه لك

رفعت الراية البيضاء وجيت بحب خاضع لك
وسلمت الأمر بيدك وكل هذا وبس لجلك

سم آمر وأنا أرجوك وأضحي العمر لعيونك
معك كل العمر وافي ولا في يوم أبخذلك

أنا عارفني إذا أقفيت راح بلحظة أرجع لك
وإذا سديت أذني رفض قلبي بيسمع لك

مالها عذر أبد نفسي حبيبي يومي وأمسي
ولو عقلي يعاندني عصتني روحي وجت لك