يسألوني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لي وصل صحراي يملاها الزهر
علميهم يالحبيبة آه يا أغلى حبيبه

يسألوني ليتهم مثلي يعيشون الهوى
الأصابع في اليدين الواحدة ماهي سوّى
عندهم حبك طبيعي وعندي فوق المستوى
فهميهم يالحبيبة آه يا أغلى حبيبه

يسألوني وفي شفاتي يرتعش حر الجواب
مادروا إنتي بحياتي راحتي وإنتي العذاب
وإنتي حلمي اللي عشقته وطار بي فوق السحاب
خبريهم يالحبيبة آه والله حبيبه

يسألوني وإنتي أكبر من سوالفهم جميع
وإنتي أجمل ما خلق ربّي بهالكون الوسيع
وإني أتلاشى بدون عيونك الخجلى أضيع
أعذريهم يالحبيبة آه يا أغلى حبيبه