الصاحب اللي شد وقفة مطاياه
ما يدري إنه حط جوفي حرايق
أكبر دليل إن الجفا منه ما أقواه
أموت وأحيا في غيابه دقايق

واللي تحبّه حيل يا شين فرقاه
جربتها وعندي عليها وثايق
ينساني الله إن كان في البعد بنساه
ما غيره بعيني من الناس لايق

ما قد خبرنا الطير يزهد بمرباه
إلا إذا ما هو له الجو رايق
الشاهد الله صاحبي هم يرضاه
ما قد جرحته وش بلاه متضايق

يا خوفتي ويا حسرتي وين دنياه
خوفي عليه مغيرين الحقايق
الأمر لله قدر البعد واقصاه
يا الله عساها ما تزود العوايق