هزني لك شوق يا راعي اللثام
يا شبيه النور في ليلة قمر
لك عيونٍ ترسل النظرة غرام
من تصيبه ينكسر تحت الأمر

فيك من سحر الوصايف والكلام
شيء أكبر من قصيدي والشعر
مالكٍ تاج الحلى بين الأنام
مشغلٍ روحي وقلبي والفكر

ابتدى شوقي بلفتة وابتسام
وابتدى يكبر مثل موج البحر
الله وأكبر يا مناتي والمرام
والله إني فيك مأسور أسر

هاك مني يا شفا عمري سلام
من أسير الشوق يا كل العمر
من يشوفك شوفتي لك ما ينام
ولا يلام إن عاش عمره في سهر