كلن له الله لو تخليت عني
محدٍ يموت يا صاحبي قبل يومه
مدام قلبك جرح قلبي وطعني
ما أشره على إنسان بعدك والومه

كل المصايب دلن طريقي وجني
والحزن أرسل لي باقي همومه
من كثر همي أحس الهم مني
لا غاب همٍ يجي يعلن قدومه

شمت كل إعداي وخيب ظني
والقلب حطمت به باقي عزومه
تعال شوف الياس حل وسكني
بالجسم ما يقوى يرفع هدومه

لو جاء أحدٍ عنك يوم ونشدني
وينه حبيبك وش هي آخر علومه
أقول له تفارقنا ومن كثر ما ذكرني
ترك لي الذكرى في صدري سهومه