يلكابتن الطيار صاحبك ملتاع
أنا بوجه أبوك وأمك تحرك

شق الفضا لاهنت وأبعد عن القاع
قلبي حزين وحالتي ما تسرك

ترى السفر حلٍ مناسب للأوجاع
وإنته وسيلة خير لله درك

أبقفل الجوال لا حان الإقلاع
وأطرب على صوت اشتغال المحرك

والقلب لولا تمسكه حدب الأضلاع
الظاهر إنه من مكانه تحرك

عامين يا كبتن وأنا أعيش بصراع
يالله عسى اللي مرني ما يمرك

ما كل سرٍ يا أبيض الوجه ينباع
ولا كل من تغليه تعطيه سرك

وأبشر براحة قلبك وقوة الناع
لا صرت سمح وتامن الناس شرك

والعاقل أبشر به على كل الأوضاع
إن كان ما هو نافعك ما يضرك